قال الفنان المصري شريف منير، عن دوره في فيلم «السرب» المرتقب: «أنا بحب هذه النوعية من الأدوار والأفلام لأنه من خلالها بقول للناس أنا بحب مصر، هي دي اللحظات اللي بتبين فيها حب مصر وشعوري ببلدي ومصر الجديدة اللي عايشينها الآن»، وفقا لصحيفة الرؤية.
وتابع، خلال مداخلة هاتفية مع برنامج «كلمة أخيرة» الذي يعرض على شاشة ON الفضائية: «أنا بحب بلدي وبحب الإدارة القائمة على إدارة شؤون مصر وحاسس بالتنوع والنجاح لكن الحاجات اللي بتجيلنا من بره مابقاش يهمنا من كتر ما قالوا وعادوا فيه مابقاش يهمنا».
وعن طبيعة دوره في الفيلم وهل يجسد دور قائد للقوات الجوية؟ قال: «الفيلم مشرف في قصته لأنها ليست حدوتة مفتلعة لكنها قصة حقيقية تمثل مجزرة، وأخذ التار كان حقيقي وكلنا سمعنا عن القصاص اللي حصل بس مشافنهوش على أرض الواقع من خلال هذا العمل هنوري الناس جزء من القصاص على قد مقدرتنا وهو جزء بسيط من اللي حصل فعلياً، والناس هتخرج بعد مشاهدة الفيلم شاعرة بالفخر بالسينما المصرية وببلدها».
وذكر منير: «أحمد السقا بطل الفيلم وأنا عارفه لأنه أخويا الصغير ما بيحبش يتكلم عن نفسه وهوا هيلعب دور مهم جداً وأحمد جسده بشكل قوي جداً، وأحمد نادر جلال كان مايسترو وكل من خلف الكاميرا عمل شغل هايل».
وتابع: «بالنسبة لي أنا عامل دور ضيف شرف في الفيلم لكن بالنسبة لآسر وكريم فهمي وأحمد حاتم، إحنا كلنا بنشتغل في الفيلم ده شرف لينا مش ضيوف وكل واحد محطوط في حتة محدش هينساه زي ما عملت دوري في الممر»
