سوليوود «متابعات»
«ادعم المخرج محمد سامي» هاشتاغ انتشر بشكل واسع في الساعات الماضية عبر مواقع التواصل الاجتماعي لدعم المخرج محمد سامي بعد كل ما حصل معه من وقف الشركة المتحدة التعامل معه وهجوم بعض الممثلين عليه، حسب موقع ET بالعربي.
أحمد زاهر والذي يعتبر مقربًا من محمد سامي شارك صورة معه عبر حسابه على «انستغرام» علق عليها «انا مش ضد قرار المتحدة لان اكيد ده له اسباب و في سبيلها للحل باذن الله انا ضد حملة التشويه البشعة لسمعة و شخص محمد سامي اللي بيقوم بيها بعض الزملاء و بعض اللجان الالكترونية انا ضد تشويه سمعة اي حد مش بس محمد سامي الراجل ده انا اعرفه من ١١ سنه و اشتغلت معاه اكتر من خمس اعمال مشوفتش منه غير كل خير و احترام و تقدير للموهبة».
إدوارد شارك عبر حسابه على «انستغرام» صورة له برفقة محمد سامي أرفقها بتعليق: «ادعم المخرج محمد سامي ضد حملة التشويه اللي بيقوم بها بعض الزملاء، وعلشان كدة بقول شهادة حق في المخرج محمد سامي .. أنا اشتغلت معاه واتعاملت في الشغل معاه، راجل بيحب شغله جدا وبيتعب كتير واتعامل معايا بكل احترام وحب، وبيحب الممثل جدا وبيطلع أحسن ما عنده، وعلشان محدش يقول علشان انا بشتغل معاه، الناس كلها عارفة إني بشتغل معاه ومع غيره ومش مستني شغل من حد الحمدلله، أنا تاريخي في السينما والدراما كبير وبشتغل مع ناس كتير، دي شهادة حق بس ولازم اقولها».
أحمد فهمي من جهته، شارك ستوري عبر حسابه على «انستغرام» يؤكد فيها رفضه لحالة الشماتة التي أبداها البعض بعد إعلان القرار، مؤكدًا على النجاحات التي حققها الأخير.
محمد مهران دافع عن سامي قائلًا : «الراجل ده مكناش صحاب شافني مره في المسرح في 2015، وقالي إننا هنشتغل مع بعض، ومشفتوش بعدها غير سنه 2020، لما اشتغلت معاه في مسلسل البرنس ومن بعدها بقينا نشتغل مع بعض، مشوفتش منه حاجة وحشة خالص، ومالوش معايا أي مصلحة شخصية وكان داعم ليا و لموهبتي بشكل كبير، وأي ممثل بيكون هدفه إنه يشتغل مع مخرج شاطر ومآمن بيه، ومظنش لما هتشوف c.v المخرج ده مش هتقدر تقول غير إنه مخرج مهم وشاطر وبيطلع من الممثل أفضل ماعنده».
