سوليوود «متابعات»
انهمرت الفنانة المصرية حورية فرغلي، في البكاء، خلال مداخلة هاتفية لها مع برنامج «مساء DMC»، الذي يعرض على إحدى الفضائيات المصرية، مؤكدة شعورها بالضيق مما تعرضت له خلال الفترة الماضية بسبب تغير في شكلها، إثر حادث سقوطها من فوق ظهر الحصان الذي دهس أنفها، ما اضطرها للدخول في عمليات تجميل كثيرة، لكنها باءت بالفشل.
وقالت فرغلي: «اتصدمت لما لقيت الناس اللي كانوا معايا على طول وشغالة معاهم لمدة 10 سنوات ووقفت جنبهم، بقوا مش جنبي، كنت فاكراهم بيحبوني».
وأضافت: «فقدت الثقة في نفسي كامرأة وممثلة، لأن محدش قدّر شغلي وأعمالي، وصعبان عليا نفسي، وقررت أبعد تماماً، ومش عايزة حد يشوفني إلا لما أرجع زي الأول، لأن أنا بأكبر في السن وعمري 44 سنة دلوقتي، لكن برضه فرحانة إني عرفت الناس الكويسة والناس الوحشة، وده درس قاسي واتعلمت منه».
وتابعت الفنانة المصرية: «أنا كنت ملكة جمال مصر عام 2002، ومش عايزة الناس تفرق ما بين شكلي قبل كدة ودلوقتي، وبقول حسبي الله ونعم الوكيل في كل اللي اتنمر عليا، أنا دلوقتي بتنفس من بُقي ومش بستطعم الأكل وفاقدة حاسة الشم والتذوق».
